“Amerika vətəndaşları bundan sonra respublikaçı Donald Trampın prezident seçkilərinin gedişini öz xeyrinə dəyişmək cəhdlərinə səbr göstərməyəcək”.

TASS-ın məlumatına görə, bu sözləri ABŞ prezidentliyinə namizəd Co Bayden deyib.

“Daha bir məhkəmə Tramp və Culianinin əsassız iddialarını, həmçinin onların bizim demokratiyamıza açıq hücumlarını rədd etdi. Məhkəmədən daha aydın heç kim deyə bilməz. Bizim xalqımız, qanunlarımız və institutlarımız daha çoxunu tələb edir, bizim ölkəmiz daha Trampın seçki nəticələrini dəyişmək cəhdlərinə dözməyəcək”, - deyə C.Bayden bildirib.

O, növbəti dəfə qeyd edib ki, Tramp seçkidə məğlub olub və bunu etiraf etməlidir.