Azerbaycanda cosmetoloji prosedurlarına tələbat artdıqca, bu xidməti göstərən "kosmetoloqlar" və estetik mərkəzlərin sayı da artır. Bu vəziyyət qeyri-peşəkar kosmetoloqların və onların qurbanlarının sayının artmasına səbəb olur. Rəsmi statistikaya görə, ölkəmizdə son 5 ildə kosmetoloji prosedurlardan əziyyət çəkənlərin sayı kifayət qədər yüksəlib.
Azərbaycan Respublikasının qanununa əsasən, kosmetoloji sahəsində özəl tibbi xidmətlərin göstərilməsi üçün lisenziya tələb olunur. Nazirlər Kabinetinin 15 may 2017-ci il tarixli 206 nömrəli qərarı ilə təsdiq olunmuş "Özəl tibbi fəaliyyəti üzrə lisenziyalaşdırılan xidmətlərin və işlərin Siyahisi"nda "kosmetoloji" tibbi xidmətlərin göstərilməsi tibbin bir sahəsi kimi qeyd edilib. Burada tibbi kosmetologiyaya daxil olan estetik problemlərin korreksiyasına və profilaktikasına yönəldilmiş, örtük toxumalarına müdaxilə ilə müstəvi olunan müxtəlif kompleks prosedurlar nəzərdə tutulur.
Tibbi kosmetologiyaya, cərrahi müdaxilələr istisna olmaqla, konservativ və korreksion üsullar daxildir. Bu üsullara inyeksiya prosedurları, müxtəlif növ aparat kosmetologiyası (o cümlədən lazer üsulu epilyasiya), biorevitalizasiya, mezoterapiya, pilinq prosedurları, müalicəvi masaj üsulları, plazmolifting aid ola bilər. Bu üsulların hamısı "kosmetoloji" işinə aid olduğu üçün müvafiq iş üzrə özəl tibbi xidmətin göstərilməsi üçün lisenziya tələb olunur. Bu sahədə praktiki tibbi fəaliyyət üzrə müvafiq sertifikatı olan həkim-dermatoveneroloqlar və tibbi kosmetologiya üzrə ixtisaslaşma keçmiş ali tibbi təhsilli mütəxəssislər məşğul olmaq hüququna malikdirlər.
Ancaq ölkəmizdəki kosmetoloqların böyük əksəriyyətinin lisenziyasız fəaliyyət göstərdiyini deyə bilərik. Xalq.aZ-a daxil olan məlumata görə, lisenziyasız fəaliyyət göstərən kosmetoloqlardan biri də sosial şəbəkələrdə özünü "ixtisaslaşmış həkim kosmetoloq Dr. Sara Alizadə" adı ilə reklam edən Sara Əlizadədir.
Sara Əlizadənin tibbi təhsili olmasına baxmayaraq, fəaliyyət göstərdiyi kosmetologiya sahəsi üzrə lisenziyasının olmadığı bildirilir. Sara Əlizadə sosial şəbəkədə yaydığı reklam çarxında pasiyentlərinin üz və digər nahiyələrinə müxtəlif inyeksiya preparatlarını vurduğunu göstərir. Bildirilib ki, "Lisenziyalar və icazələr haqqında" Azərbaycan Respublikasının Qanununa əsasən, lisenziya verən qurum kimi İqtisadiyyat Nazirliyi özəl tibbi fəaliyyəti üçün lisenziyanın verilməsi ilə bağlı daxil olmuş müraciətə baxılması ilə bağlı Səhiyyə Nazirliyinin rəyini alır. O cümlədən, kosmetoloji iş üzrə ambulator tibbi xidmət göstərmək niyyətində olan müəssisələr özəl tibbi fəaliyyəti üçün lisenziyanın verilməsi ilə bağlı İqtisadiyyat Nazirliyinə müraciət etməlidirlər.
Müraciət əsasında rəylərin verilməsi məqsədilə hər iki qurumun iştirakı ilə müəssisəyə birgə baxış keçirilir. Məsələ ilə bağlı Sara Əlizadə ilə əlaqə saxladıq. O, açıqlamasında bildirib ki, tibbi təhsili var amma lisenziya verilməyib. İmkanlarının lisenziyasız necə fəaliyyət göstərdiyi sualına isə "Yaxşı edirəm, kiməsə gedib pul verib lisenziya almalıyam. İcarəyə obyekt götürməliyəm, lisenziya verilsin?" deyərək, əslində, araşdırmanızın boş şey olduğunu vurğuladı.
Arastırmalarımız nəticəsində məlum oldu ki, lisenziyasız fəaliyyət göstərən "kosmetoloq" Sara Əlizadə sosial hesablarını bağlayıb və hüquq mühafizə orqanları tərəfindən lisenziyasız plastik cərrahlar və kosmetoloqlar haqqında araşdırmalardan yayınmaq üçün etdiyi iddia olunur. Araşdırmalarımız davam edir.
```
