Yardımlı rayonunda biznes layihələri həyata keçirmək istəyən insanlar, məmur özbaşınalığı, bürokratik əngəllər, süni maneələr, hətta təzyiqlərlə üzləşirlər. Bu barədə Yardımlı Xeyriyyə Cəmiyyəti İctimai Birliyinin sədri Mərdan Seyidbəyli məlumat verib. Onun sözlərinə görə, rayonda məşğulluq məsələsi ilə bağlı vəziyyət ürəkaçan deyil:

“Məhz işsizliyin artığına, dolanışığın çətin olduğuna görə, rayonda demoqrafik durum da acınacaqlıdır, kəndlər günü-gündən boşalır. Biz Yardımlı Xeyriyyə Cəmiyyəti olaraq, xaricdə yaşayan həmyerilərimizi rayonumuza investisiya yatırmağa, biznes qurmağa, yeni iş yerləri açmağa təşviq edirik. Təssüflər olsun ki, rayondakı məmurlar, xüsusilə icra hakimiyyəti nümayəndələri bunun əksini edir. Rayonumuza düşmən kəsiliblərmiş kimi, səsimizə səs verin, öz həmyerilərinə gün ağlamağa çalışan iş adamlarına süni əngəllər yaradırlar. Rayonda iş yerlərinin açılmasını şərtləri yaratmaqdansa, kəndlərin boşalmasının qarşısının alınması üçün özləri çalışmaq əvəzinə, iş görmək istəyənləri də mane olurlar,” - deyə M.Seyidbəyli bildirib.

Məruzədə konkret faktlarla da dəstəklənən fikirlər var. Məsələn, Savalan Eyvazov adlı gənc bir həmyerlimiz iş adamı Qazaxıstandan gəlib, çox həvəsli rayonda gözəl işlər görmək istəyir. Həm rayon mərkəzində, həm də Vərgədüz kəndində gözəl biznes layihələri icra etmək arzusundadır. Təssüflər olsun ki, rayon icra hakimiyyətindən iş adamına imkan vermirlər. Sərvər adlı bir memar ondan, rayon icra hakimiyyətinin başçısı Ayaz İskəndrovun adından 3500 manat pul tələb edib. Bildirib ki, həmin məbləği versə, icra başçısı göz yumacaq və iş adamı da tikintini davam etdirəcək. İş adamı da soruşur ki, nəyə göz yumacaq, axı mənim sənədlərim qaydasındadır,” - deyir Seyidbəyli.

M.Seyidbəyli, rayon camaatının üzləşdiyi bu bürokratik əngəllərin, məmur özbaşınalığının səbəbkarı kimi Yardımlı ziyalılarını da günahlandırıb: “Rayonumuzdan olan ziyalılar, millət rəhbərləri isə bu baş verənlər qarşısında susur, etirazlarını bildirmirlər, özbaşınalqlara qarşı çıxmırlar. Nəticədə də həmin məmurlar rayonumuzu yiyəsiz, sahibsiz bilirlər, öz məkirli xislətlərindən əl çıxmırlar. Bunların ‘fəaliyyəti’ nəticəsində Yardımlının 65 min əhalisindən heç 20 mini hazırda rayonda yaşamır. İnsanlarımızı didərgin salırlar vətəndən,” - deyə o, əlavə edib.

Yardımlı rayonunda iş adamlarının qarşılaşdığı bu çətinliklər, yerli iqtisadi inkişafın qarşısını alır. Bu vəziyyət həm də demoqrafik itkilerin artmasında, kəndlərin boşalmasında öz təsirini göstərir. M.Seyidbəyli yerli icra hakimiyyətinin göstərdiyi bürokratik maneələrin aradan qaldırılmasını, eyni zamanda, rayona yatırım etməyə hazır olan iş adamlarına dəstək verilməsini tələb edir.