Asif ?sg?rov, ötən il sentyabrın 1-də keçirilmiş növbədənkənar VII çağırış Milli Məclis seçkilərində deputat seçildikdən sonra dövlət başçısının sərəncamı ilə Bakı şəhəri Nəsimi Rayon İcra Hakimiyyətinin başçısı vəzifəsindən azad edildi. Bu tarihdən etibarən Nəsimi RIH-nin başçısı kreslosu boş qalıb. Həmin vəzifəni müvəqqəti olaraq RIH başçısının müavini Zahid Xəlilov icra edir.

Hazırkı vəziyyət odur ki, RIH aparatında vətəndaşların qəbulu ilə məşğul olan, yazılı müraciətlərinə baxan yoxdur. Digər müavinlər də öz bildiyi ilə işlesələr də, Xəlilovun sözüne əməl edən yoxdur. Bu vəziyyətdə Zahid Xəlilov, tikinti sahəsinə nəzarət etməklə məşğuldur ki, bu da qeyri-qanuni tikintilərinin artmasına səbəb olur. Zəhmətsiz gəlirlərin əsas mənbəyi olan bu işdə onun ən yaxın silahdaşı, RIH-nin memarı Əliskər Rüstəmovdur. Onlar, görünür, qanunsuz tikintiləri həyata keçirən şəxslərə "səni görmüşük, sən də bizi gör" deməklə göz yumurlar.

Xəlilov, qanunsuz tikintilərin artmasına baxmayaraq, Tikinti Məcəlləsinin tələblərini nəzərə almadan işlərin həyata keçirilməsini “çitir” tövsiyə edir. Bu barədə əldə etdiyimiz məlumata görə, Nəsimi rayonu, Mir Cəlal küçəsi - 254 ünvanında Həsən Seyidbəylik küçəsinin kəsimində yerləşən “Çinar” restoranının arxasında qanunsuz kabinetlər inşa edilir. Öyrəndiyimizə görə, bu kabinetlərin inşasına icazə alınmayıb. Bu isə Səhərsalma və Tikinti Məcəlləsinin tələblərinin pozulması deməkdir.

Bu qanunsuzluğu Nəsimi Rayon İcra Hakimiyyətinin, Bakı Şəhər Memarlıq və Şəhərsalma Baş İdarəsinin, Fövqəladə Hallar Nazirliyinin Tikintidə Təhlükəsizlik üzrə Dövlət Agentliyinin, Ekologiya və Təbii Sərvətlər Nazirliyinin müvafiq ərazi idarələrinin görməməsi qeyri-mümkündür. Nəzarətçi qurumların vəzifəli şəxslərinin sahibkarlara əlavə qazanc gətirəcək bu qanunsuz kabinetlərin inşasına göz yummasına inanmaq sadəlövhlük olar.

Redaksiya olaraq, müvafiq qurumların aşkar etdiyimiz qanunsuzluğa münasibətlərini rəsmi sorğu məktubları ilə öyrənməyə çalışacağıq.

Cumhuriyyet.az