Mustafa Rəsidovun Qanunsuz Əməlləri

Hazırda “Daşınmaz Əmlakın Dövlət Kadastri və Reyestri” publik hüquqi şəxsinin 1 saylı Bakı ərazi idarəsinin rəisi vəzifəsində çalışan Rəsidov Mustafa Süleyman oğlu, vətəndaşların qanuni yolla aldığı torpaqla bağlı hər bir sənədinin düzgün olduğunu təsdiqləmək üçün peçatsız blanklardan istifadə edir və imtina qərarı çıxarır. Bu isə hüquqi baxımdan tamamilə qanunsuzdur, çünki heç bir idarə möhür və peçat olmadan sənəd verərsə, bu sənədin hüquqi statusu yoxdur.

TEREF yazır ki, bu iddia ilə jurnalist Sakit Muradov sosial şəbəkə profilində çıxış edib. Muradov daha sonra faktlara müraciət edərək yazır ki, Mustafa müəllimin verdiyi qanunsuz sənədlər sayəsində vətəndaşlar məhkəməyə müraciət edərək öz xeyrinə qərar çıxartdırmağa çalışa bilərlər. Lakin bu halda, özünü "sah" sayan Mustafa müəllim, dövlətin məhkəmə sistemini də vecinə almayaraq, onların çıxartdığı qərarları tanımaqdan imtina edir.

Bu vəziyyətdə, vətəndaşların mütləq şəkildə məhkəməyə müraciət etməsi gərəkir. Çünki özünü "sah" kimi aparan Mustafa müəllim, dövlət qanunlarını heçə sayır və onları tanımır. Hüquqi bir dövlətdə məhkəmənin hökmünü tanımayan vəzifəli bir şəxsin tutduğu postda nə qədər qalması isə müəmma sualıdır, ancaq bu reallıqdır.

Mustafa Rəsidov məhkəmə sistemindəki problemlərdən xəbərdardır və bu səbəbdən vəzifəsindən sui-istifadə edərək, peçatsız sənədlərlə vətəndaşları narahat edir. Maraqlıdır ki, məhkəmə qərarlarına hörmət etməyən, hakimin çıxardığı hökmü heçə sayan bir şəxs yüksək vəzifəyə təyin edilmişdir. Bu da suallar doğurur.

Sakit Muradov sadaladığı faktların acı nəticələrindən yola çıxaraq yazır ki, Mustafa Rəsidov qanunu pozur, saxta sənədlər verməkdən çəkinmir, vətəndaşların hüquqlarını tapdalayır. Belə olan halda, Rəsidov vətəndaşları məcbur edir ki, məhkəmələrdən daha yüksək instansiyalara şikayət etsinlər. Bu, birbaşa dövlət ilə vətəndaş arasında böyük narazılıq yaradır və insanları dövlətə qarşı qaldırır.

Nəticə etibarilə, Sakit Muradov sual edir: “Bu qədər özbaşınalıq edən Mustafa müəllimi qoruyan 'gizli əllər' kimlərdir?” Bu haqda daha ətraflı növbəti statusunda paylaşacağını bildirib. Məhz bu qeyri-qanuni fəaliyyətlər və dövlət strukturlarındakı boşluqlar, vətəndaşların hüquqlarını tapdıqları zaman ortaya çıxır.

TEREF-in Mövqeyi

TEREF həmkarımızın qaldırdığı iddialarla bağlı qarşı tərəfin mövqeyini dərc etməyə hazır olduğunu bildirir.