Sirvanda Yaşıllıqların Məhv Edilməsi Problemi

Son dövrlərdə Sirvan şəhərində yaşıllıqların məqsədli şəkildə məhv edilməsi sistemli bir hal alıb. Şəhərin müxtəlif punktlarında bir-birinin ardınca yaşıllıqlar kəsilir, bunun nəticəsində həmin yerlərdə ya yeni obyektlər inşa edilir, ya da yollar salınır. Bu proseslər şəhər rəhbərliyi tərəfindən görməməzlikdən gəlindiyi görünür. Halbuki, vətəndaşlar öz həyətlərindəki bir ağacı budayarkən dərhal inzibati cəza ilə üzləşirlər.

Sosial medianın məlumatına görə, son "ağac qətliamı" Naxçivan küçəsində baş vermişdir. Heydər Əliyev prospekti ilə Naxçivan küçəsinin kəsişməsindəki yolun sağ kənarındakı çoxsaylı ağacların kəsildiyi, hətta kötüklərinin betonlaşdırılaraq izlərinin silinməyə çalışıldığı müşahidə olunub. Rayon sakinlərinə görə, bu "ağac qətliamı" Sirvan şəhər icra hakimiyyəti başçısının müavini Orxan İbrahimovun atası Əhmədaga İbrahimovun "it işidir", yəni bu iş onun göstərişi və tapşırığı ilə aparılır.

Sakinlər bildirirlər ki, kəsilmiş ağacların yerinin betonlaşdırılması yerinə yetirilir və bunu heç bir rayon sakini özbaşına edə bilməz, xüsusilə də rayonun mərkəzində. Qeyd edək ki, Əhmədaga İbrahimov dövlət vəzifəsi daşıyır və Bas Sirvan Kollektorunun istismarı idarəsinin rəisi vəzifəsində çalışır. Eyni zamanda onun Sirvan və Sabirabad rayonlarında çoxsaylı obyektlərinin olması da diqqət çəkir.

Qeyd edim ki, bu miqyasda bir ağac kəsimi və torpaq üzərində tikinti prosesi, şəhər rəhbərliyi, xüsusilə də icra başçısı İlqar Abbasovun diqqətindən yayındığı görsənir. Maraqlıdır ki, bu proseslər onun razılığı olmadan baş verir, ya da ən azından onun xəbəri olmadığını düşünmək çətindir. Digər tərəfdən, vətəndaşlar həyətlərindəki ağacları budamaq istədikdə dərhal inzibati reaksiya ilə qarşılaşırlar. Ancaq mərkəzdə yaşıllıqlar kəsilir, kötükləri betonlaşdırılır, amma icra hakimiyyəti bu məsələyə dair heç bir reaksiya vermir.

Bu vəziyyət, adi vətəndaşın yaşamına dair baş verənlərin göz önündə olduğu halda, dövlət orqanlarının bu məsələyə reaksiyasının olmaması suallar doğurur. Sirvan şəhər icra hakimiyyətinin bu mövzu ilə bağlı mövqeyini öyrənmək üçün müraciət etdik. Yazı hazır olduğu anda açıqlama vermədikləri üçün müəyyən müddət gözlədik. Lakin iki həftədən artıq bir zaman keçməsinə baxmayaraq, icra hakimiyyəti ünvanladığımız sorğuya cavab verməyib. Bu isə o deməkdir ki, ya bu məsələ onları maraqlandırmır, ya da əslində vətəndaş və media sorgularına cavab vermirlər.

Yazıda adı keçən şəxslərin mövqeyini işıqlandırmağa hazır olduğumuzu qeyd edirik. Həmçinin, bu cür qeyri-qanuni fəaliyyətlərin qarşısının alınması və yaşıllıqların qorunması ilə bağlı daha ciddi addımlar atılması tələb olunur.