İndi "Azərsu" yox, "Dövlət Su Ehtiyatları Agentliyi" olan dövlət qurumu, insanların su ehtiyaclarını ödəyə bilmir. Paytaxt Bakı və ətraf rayonlarda, əvvəlki yay fəsillərində olduğu kimi, insanların suya olan tələbatı hələ də ödənə bilmir. Bu günlərdə əhalinin bir hissəsi susuzluqdan əziyyət çəkir.

Bizimyol.info xəbər verir ki, paytaxtın Yasamal, Nəsimi, Səbail, Nərimanov və Binəqədi rayonlarında, Abşeron yarımadasında, Xirdalan şəhərində yaşayan insanlar nə içməli, nə də təmizləmə su tapmaqda çətinlik çəkir. Bu, yüzminlərlə insanın çarəsiz duruma düşməsi deməkdir.

Vətəndaşlar sosial şəbəkələrdə bu məsələ ilə bağlı narazılıqlarını ifadə edirlər. Müvafiq dövlət strukturlarına yüz milyonlarla vəsait ayrılmasına baxmayaraq, 2025-ci ildə Azərbaycan vətəndaşlarının su ilə təminatı məkur səriştəsizliyi və korrupsiyanın nəticəsi kimi qiymətləndirilir.

İri Şəhərlərin Birləşmiş Su Təchizatı Xidmətindən verilən açıqlamada bildirilib ki, Oğuz-Qəbələ-Bakı su kəmərində baş verən qəzaya səbəbindən 16-dan 20-ə qədər Bakı və Abşeron yarımadasında suyun verilməsində problem yaranacaq. Oğuz-Qəbələ-Bakı su kəməri 2010-cu ildən istismara verilib və layihənin dəyəri 1 milyard dollar olub. Kəmərin istismara verilməsi zamanı paytaxt Bakının əhalisinin daimi su ilə təchiz olunacağı bildirilib.

Lakin proseslər göstərdi ki, kəmərin istismara verilməsindən 15 il keçməsinə baxmayaraq, Bakının bir çox ərazilərində daimi su mövcud deyil. İnsanlar gündə yalnız bir neçə saat su istifadəsi edə bilirlər. İqtisadçı ekspertlər isə hesab edir ki, indiki vəziyyətdə su təminatı Ceyranbatan, Kür və digər mənbələr hesabına Bakı üçün mümkündür. Yəni, Oğuz-Qəbələ-Bakı su kəmərinin 1 milyard dollar xərc çəkməsi lazım deyil.

Ötən ilin avqustunda da Oğuz-Qəbələ-Bakı su kəmərində qəzaya dair iddialar var idi, bu səbəbdən paytaxt sakinləri gündəlik susuz qalmışdılar. Su ilə təchiz etməli olan dövlət strukturu isə özünü vətəndaşlar qarşısında hesabat verməyə borclu hesab etmədiyindən, yüzminlərlə vətəndaşın narazılığı qulaqardına vurulmuşdur. Beləliklə, məmur özbaşınalığı nəticəsində Azərbaycan vətəndaşları hər yay eyni problemlərlə üz-üzə qalırlar.

Bizimyol.info