2025-ci ilin Azərbaycanda "Konstitusiya və Suverenlik ili" elan edilməsi ölkənin hüquqi və dövlətçilik tarixində mühüm mərhələ kimi qiymətlərdir. Bu təqvim ili həm konstitusion dövrlərin möhkəmləndirilməsi, həm də milli suverenliyin gücləndirilməsi baxımından simvolik mənaya malikdir. Məhz bu kontekstdə yeni konstitusiya islahatları və mümkün referendum ehtimalı gündəmə gəlib.
Milli Məclisin Hüquq siyasəti və dövlət quruculuğu komitəsinin üzvü Bəhruz Məhərrəmov Modern.az-a açıqlamasında bildirib ki, Azərbaycanın Vətən müharibəsində və antiterror tədbirlərində böyük zəfəri ilə Konstitusiyanın bəyan etdiyi niyyətlər ərazi bütövlüyümüzün və suverenliyimizin tam bərpa olunması ilə tamamlanıb. Onun sözlərinə görə, eyni zamanda yaranan yeni reallıqlar onsuz da daim inkişafda olan münasibətlər sisteminə və idarəçilik formatına da təsirsiz ötüşməyib, daha effektiv yanaşmaların mümkünlüyü perspektivini meydana çıxarıb.
Deputat Bəhruz Məhərrəmov, "Qanunvericilik sistemində də islahatları zərurətə çevirib. Məlumdur ki, zəfərimizin ardından yaranan yeni reallıqda qanunvericiliyin təkmilləşdirilməsi istiqamətində önəmli addımlar atılmış və bu proses davam etməkdədir," - deyərək bildirib.
Deputatın sözlərinə görə, Konstitusiya islahatlarına gəldikdə, zamanla ana qanunumuzda əlavə və dəyişikliklər edilib və bu proses cari və sonraki dövrdə də istisna edilə bilməz:
“152-ci maddəyə əsasən, Azərbaycan Respublikasının Konstitusiyasının mətni dəyişikliklər yalnız referendumla qəbul edilə bilər. Referendum isə özlüyündə mürəkkəb prosesdir və hansı qaydada keçirilməsi imkanları və prosedurları konstitusion qaydada müəyyənləşib," - deyə deputat qeyd edib.
Beləliklə, 2025-ci il Azərbaycanda konstitusiya islahatları və suverenlik baxımından çox önəmli bir dövr olacaq. Bu proseslər yalnız hüquqi sahədə deyil, eyni zamanda cəmiyyətin bütün sahələrində təsir göstərəcək. Milli suverenliyin güclənməsi, Azərbaycanın beynəlxalq aləmdəki mövqeyini daha da möhkəmləndirəcək, eyni zamanda vətəndaşların qanunvericiliyə olan inamını artıracaq.
Bu islahatların həyata keçirilməsi, ölkənin gələcəyinə yön verəcək strateji bir addım olacaq. Siyasi sabitlik, iqtisadi inkişaf və sosial ədalət baxımından da önəmli nəticələr doğura bilər. Beləliklə, 2025-ci ilin "Konstitusiya və Suverenlik ili" elan edilməsi ölkənin dövlətçilik tarixində yeni bir səhifə açacaq.
```
