Baki şəhəri, Xəzər rayonu, Qala qəsəbəsi, 843 saylı hərbi hissədə qeydiyyatda olan, Nizami rayonun Q.Qarayev prospekti, 117, mən., 83-də faktiki yaşayan Bəsirov Elxan Bəsir oğlu tərəfindən Azərbaycan Respublikasının Prezidenti İlham Əliyev, Baş Nazir Əli Əsədova, Baş Prokuror Kamran Əliyev, Daxili İşlər Naziri Vilayət Eyvazova, Ombudsman Aparatının sədri Səbinə Əliyevaya, Kiçik və Orta Biznesin İnkişafı Agentliyinin sədri Orxan Məmmədova və digər aidiyyəti dövlət qurumlarının rəhbərlərinə ictimaiyyətə şikayət məktubu ünvanlanıb.
Şikayət məktubunda "İnşaat Konstruksiyalar” MMC-nin direktoru Rauf Əhmədov və dəstəsinin 10.02.2018-ci il tarixli müqaviləyə əsasən ona verilən mənzilin digər bir neçə şəxslərə satdıqdan sonra 21 iyun 2021-ci il tarixli 085002 saylı yeni müqavilə əsasında başqa ünvandakı mənzilin də pulunu tam ödəməsinə baxmayaraq həmin mənzili də aldadaraq başqasına satması cinayəti barədə şikayət edilir.
Şikayətdə deyilir ki, son 7 il ərzində "İnşaat Konstruksiyalar” MMC-nin başımıza gətirdiyi qanunsuz hərəkətlərdən bezmiş, son ümid yeri kimi cənab Prezidentə müraciət edirik. Bəsirov Elxan, 1-ci Qarabağ Müharibəsində 4 il iştirak etmiş, yaralanmış və sağlamlığını müəyyən qədər itirmiş bir müharibə iştirakçısıdır. Hal-hazırda işsizdir.
Ailəsində iki övladı var və ailəsinin iqtisadi çətinliyini aradan qaldırmaq üçün, onun da bir Azərbaycan vətəndaşı olaraq ailəsini bir an əvvəl dolandırması məqsədilə 2018-ci ilin 10 fevralında "İnşaat Konstruksiyalar” MMC-nin baş direktoru Rauf Əhmədov ilə müqavilə bağlayıb. Müqavilədəki şərtlərə görə 3 otaqlı mənzil üçün tələb olunan ilkin ödənişi 5000 manat ödəyərək müqavilə bağlanıb.
Ancaq elə bu az vaxtda öyrənir ki, ona müqavilə əsasında verilən mənzil, Nizami rayonu, M.Abbasov küçəsi, məhəllə 25, 38 ünvanda olan 71 N-li mənzil, digər şəxslərə satılıb. Əhmədov 2021-ci ildən etibarən ona olan mənzil müqaviləsinin digər yerdə (yeni yerdə) verəcəyini vəd etsə də, müqaviləni yeniləməyi təklif edir.
Buna razı olan Bəsirov, köhnə müqaviləni 085002 saylı, 21 iyun 2021-ci il tarixli yeni müqavilə ilə əvəz edir. Amma daha sonra 4 il keçməsinə baxmayaraq hələ də həmin mənzil ona verilmir. Bəsirov, Rauf Əhmədov tərəfindən aldadıldığını düşünür və zərərin ödənilməsini tələb edir.
Şikayətdə qeyd edilir ki, Rauf Əhmədov 2 otaqlı mənzilin dəyəri olaraq 266 860 manat tələb etsə də, öhdəliklərini yerinə yetirməyib. Bəsirov hüquq-mühafizə orqanlarına müraciət etsə də, nəticə əldə edə bilməyib. O, Rauf Əhmədovun ona və başqalarına qarşı törətdiyi cinayətlərin araşdırılması və cəzalandırılması üçün müvafiq tədbirin görülməsini tələb edir.
Buna görə də, Bəsirov, İlham Əliyev və Kamran Əliyevdən şikayət məktubunun ədalətli araşdırılması üçün müvafiq orqanlara göndərilməsini xahiş edir.
Şikayət məktubunun sonunda, Rauf Əhmədov və onun cinayət əlaqələrini üzə çıxarmaq üçün şəxsi nəzarət tələb olunur.
```
