Ruminiyada 2026-ci ilin Azərbaycanda "Səhərsalma və Memarlıq İli" elan olunması ilə bağlı bir tədbir keçirilib. Etkinlik 22-25 yanvar tarixlərində Ruminiyanın Moisey bölgəsində təşkil olunan Rumıniya, Moldova, Ukrayna və Albaniya hüquq parlament komissiyalarının Illik Üçüncü Forumunda baş tutub. Azərbaycan tərəfi tədbirdə xüsusi qonaq qismində iştirak edib və bu ilki forum "Avropa inteqrasiyasının və fundamental hüquqların müdafiəsinin əsası kimi hüququn aliliyi" mövzusuna həsr olunub.
Tədbir çərçivəsində, 2026-cı ilin Azərbaycanda "Səhərsalma və Memarlıq İli" elan olunması ilə bağlı ölkəmizin memarlığına həsr edilmiş foto sərgi təşkil edilib. Sərgidə göstərilən fotolar, Azərbaycanın, xüsusə Qarabağ bölgəsinin şəhər mühitinin və memarlıq mənzərəsinin dinamik inkişafı, müasir urbanistik transformasiyalarının nümunələri ilə zənginləşdirilib. Eyni zamanda, sərgidə Azərbaycanda mövcud olan mina problemi də diqqətə çatdırılıb.
Tədbirdə Ruminiya, Moldova, Ukrayna və Albaniya parlamentlərinin deputatları və senatorları, Ruminiyanın Prokurorluq və Ali Məhkəməsinin rəhbərliyi, diplomatik korpusun nümayəndələri, hüquqşünaslar və ictimai-siyasi xadimlər iştirak edib. Sərginin açılışında çıxış edən Azərbaycanın Rumıniyadakı səfiri Qüdsi Osmanov, Azərbaycan ilə Ruminiya arasındakı münasibətlərdən bəhs edərək, iki ölkə arasında həyata keçirilən layihələr, qarşılıqlı səfərlər və tədbirlər haqqında məlumat verib. O, 2026-cı ilin Azərbaycanda "Səhərsalma və Memarlıq Ili" elan edilməsini, bu ilin may ayında BMT-in Ümumdünya Səhərsalma Forumunun 13-cü sessiyasının Bakıda keçiriləcəyini vurğulayaraq, ölkəmizdə keçirilən beynəlxalq tədbirlərin regionda əməkdaşlığın möhkəmlənməsində və ölkələr arasında siyasi, iqtisadi və mədəni əlaqələrin inkişafında mühüm rol oynadığını qeyd edib.
Sərginin açılışında Ruminiyanın senatoru, iqtidar Milli Liberal Partiyasının (PNL) parlament fraksiyasının sədri müavini, Ruminiyanın Avropa Surası Parlament Assambleyasındakı nümayəndə heyətinin fəal üzvü Kristian-Avqustin Nikulesku-Tsiqirlas da çıxış edib. O, Ruminiya ilə Azərbaycan arasında qarşılıqlı fayda və strateji tərəfdaşlıq əsasında qurulan münasibətlərdən bəhs edərək, ötən ilin avqust ayında Azərbaycana, xüsusilə Qarabağ bölgəsində Xankəndi və Şuşa şəhərlərinə həyata keçirdiyi səfəri xatırlayıb. Senator, Qarabağda şahidi olduğu genişmiqyaslı tikinti-quruculuq işlərindən və bölgədə aparılan hərtərəfli inkişaf prosesindən danışıb, Azərbaycanın regionda beynəlxalq logistika və nəqliyyat layihələri çərçivəsində aparıcı rolunu xüsusi vurğulayıb. Təqdim olunan sərgi qonaqlar tərəfindən böyük maraqla qarşılanıb.
Arazmedia.az
