Dekabr ayının 25-də Bakı-Qrozni istiqaməti üzrə marşrutu yerinə yetirən AZAL-a məxsus "Embraer 190" tipli sərnişin təyyarəsi qəzaya uğrayıb. Qəzada 38 nəfərin həlak olduğu bildirilir, lakin 29 sərnişin təyyarənin pilotları və digər ekipaj üzvlərinin sayəsində sağ qalıblar. Bu hadisə, hava nəqliyyatı sahəsində ciddi müzakirələrə səbəb oldu.
Dekabrın 29-da təyyarə qəzasında həlak olan üç ekipaj üzvü - gəmi kapitanı İqor Ksnyakin, pilot Aleksandr Kalyaninov və stüardessa Hökümə Əliyeva II Fəxri xiyabanda torpağa tapşırılıb. Qəzada həlak olan sərnişinlər isə ölkənin müxtəlif bölgələrində dəfn ediliblər. Dəfn mərasimində Azərbaycan Prezidenti İlham Əliyev və birinci xanım Mehriban Əliyeva iştirak edərək, həlak olan ekipaj üzvlərinin ailə üzvlərinə başsağlığı veriblər.
Heydər Əliyev Beynəlxalq Aeroportunda keçirilən vida mərasimindən sonra Prezident İlham Əliyev Azərbaycan Televiziyasına müsahibə verib. Müsahibəsində ölkə başçısı, təyyarənin pilotları və ekipaj üzvlərinin şəxsiyyətini xüsusi olaraq vurğulayıb. O, pilotların fədakarlığını və peşəkarlığını yüksək qiymətləndirərək, "Pilotlar və bütün ekipaj böyük qəhramanlıq göstərdilər. Onlar idarə edilməz vəziyyətdə olan təyyarəni müxtəlif üsullarla idarə etməyə çalışdılar" dedi. Prezident əlavə etdi ki, pilotlar bu qəza nəticəsində sağ çıxacaqlarını bilsələr də, sərnişinlərin həyatını xilas etmək üçün maksimum səylə çalışdılar.
Prezident İlham Əliyev, qəzadan sonra "Azərbaycan Hava Yolları" Qapalı Səhmdar Cəmiyyətinə məxsus "Embraer 190" tipli sərnişin təyyarəsinin qəza zamanı yüksək peşəkarlıq və sücaət göstərmiş şəxslərin təltif edilməsi haqqında sərəncam imzalayıb. Sərəncamda xüsusi olaraq qeyd edilib ki, pilotların, bələdçilərin yüksək peşəkarlığı, cəsarəti sayəsində 29 sərnişin xilas edilib. Habelə, pilotlar İqor Ksnyakin, Aleksandr Kalyaninov və ekipaj üzvü Hökümə Əliyeva ölümündən sonra "Azərbaycanın Milli Qəhrəmanı" adı ilə təltif ediliblər. Digər ekipaj üzvləri Zülfiqar İsaqov və Aydan Rəhimli isə 1-ci dərəcəli "Rəsadət" ordeni ilə təltif olunublar.
Bununla da ölkə rəhbərimiz öz qəhrəman övladlarının qəhrəmanlığını və sücaətini xüsusi qeyd edib. Bu hadisə, yalnız müstəqil Azərbaycanda hava nəqliyyatının təhlükəsizliyini ön plana çıxarmaqla yanaşı, eyni zamanda, azərbaycanlıların qəhrəmanlıq ruhunu da bir daha gündəmə gətirdi. Həlak olanların ailələri və yaxınları üçün bu vəziyyət ağır olsa da, onların göstərdiyi fədakarlıq və qəhrəmanlıq tarixdə iz qoymuşdur.