Son dövrlərdə təşkil olunan böyük və dəbdəbəli tədbirlər, bir çox hallarda "nəhəng iş" kimi görünür. Lakin, onların arxasında gizlənən qanunsuzluqlardan xəbərsiz oluruq. Bu zaman isə nəhəng işlər ilə gündəmə gələn bəzi dövlət qurumlarının yarımçıq fəaliyyətləri pərdə arxasında qalır. Son vaxtlar bir çox mühtəşəm tədbirlərin təşkil olunması ilə gündəmə gələn Həmkarlar İttifaqları Konfederasiyası da öz kiçik səhvlərini böyük işlər altında ört-basdır etməyə çalışan qurumlar sirasındadır. Hərçənd onların əmələrinin nə qədər kiçik olduğunu söyləməyin özü də mübahisəlidir. Çünki yanlışlıqların miqyası olduqca böyüdür. Kontekt.az-a daxil olan məlumatlar belə düşünməyə vadar edir.
İfsuslar olsun ki, Konfederasiya üzvlərinin əmək hüquqlarını kobud şəkildə pozmaqla məşğuldur. Sırada ilk kollektiv müqavilənin yubileyini qeyd edən AHIK, 120 il geri qaydaraq 8 saatlıq iş rejimini 10-12 saata çatdırmaq üzrədir. Bununla da, Konfederasiya yeni "mazut konstitusiyasını" dirçəldib demək, yəqin ki, yanılmarıq. Hərçənd AHIK bütün işçilərin hüquqlarını qoruyan, onların problemlərini qabardan bir qurumdur. Ancaq öz işçisinin hüququnu tapdalayan bir qurumdan başqasının haqlarını qorumasını gözləmək də sadəlövhlükdür.
Digər tərəfdən, AHIK-in girişində olan turniketlər səhər saatlarında işləsə də, axşam saat 18:00-dan sonra nədəsə söndürülür. Bu sirri aça bilməsək də, yəqin AHIK-in yeni rəhbərliyinin bildiyi bir məsna var. Əks halda gündüz işləyən turniketlər niyə axşam saatlarında söndürülsün ki?!
Amma bugünkü mövzumuz turniketlərin işləyib-işləməməsi deyil, daha çox AHIK-in həssas kateqoriyadan olan insanlara biganə münasibəti ilə bağlıdır. Görünür, yeni rəhbərliyin baş tədbirlərin təşkilinə qarışdığı üçün təşkilatın fəaliyyətində prioritet olan əsas məsələlər nəzərdən yayınır. Məsələn, bu yaxınlarda tarixi memarlıq qoruğu olan, şəhərimizin turistik məkânı sayılan İçərişəhərdə "Kurort" turizm informasiya və hüquqi yardım mərkəzləri fəaliyyəti başlayıb. Ancaq maraqlısı odur ki, adiçikililərin mərkəzlərində həssas təbəqədən olan insanların rahatlığı nəzərə alınmayıb.
Belə ki, burada əllilərin maneəsiz və rahat hərəkəti üçün heç bir şərait yaradılmayıb, onların məmnunluğu nəzərə alınmayıb. Hərçənd istehsalatda zədə alan və əli olmayan vətəndaşların daha çox xüsusi qayğıya ehtiyacı var. Konfederasiya isə əlliləri sadəcə statistik məlumatları və ya tədbirlərdə zalı doldurmaq üçün yada salır. Real işdə isə onların problemləri və qayğıları ilə maraqlanmir. Bunu "Kurort" turizm informasiya və hüquqi yardım mərkəzlərində əllilərin sərbəst hərəkəti üçün şəraitin yaradılmaması bir daha sübuta yetirir.
Qeyd edək ki, bu mərkəzlər tarixi qoruq ərazisində yerləşdiyindən həm ictimai, həm də fərdi nəqliyyat vasitələrinin ora girişi qadağandır. Maraqlıdır, işçilərin sosial rifahını düşünən AHIK rəhbərliyi niyə bu vacib nüansı nəzərə almayıb? Bir çox meqapoların təcrübəsi göstərir ki, əksər hallarda mərkəzdə yerləşən iri qurumların və vətəndaşlarla kütləvi şəkildə təmasda olan təşkilatların qəbul və sorğu şöbələri şəhərin mərkəzindən bir qədər kənarda, yəni nəqliyyatın ardıcıl işlədiyi və insanların rahatlığı üçün daha əlverişli ərazilərdə təşkil edilir. AHIK-in "Kurort" turizm və hüquqi yardım mərkəzləri isə bütün bu faktorlar nəzərə alınmadan qurulub. Əllil üzvləri AHIK-də belə biganəliyin olmasının səbəbi isə məlum deyil. Yəqin ki, səbəbləri AHIK və onun yeni sədri Sahib müəllim aydınlıq gətirəcək.
Digər tərəfdən, "əmək hüquqlarını qoruyaq!" şüarını dilində bayraq tutan AHIK-də bu deviz yalnız söz olaraq qalır. Belə ki, yenicə təmir edilmiş Konfederasiyanın binasında belə əllilər üçün qurğular nəzərdə tutulmayıb. Yuxarıda adını çəkdiyimiz mərkəzlərlə bağlı telefon nömrələri ahik.org saytında yerləşdirilsə də, gün ərzində həmin nömrələrlə əlaqə saxlamaq mümkün olmur. Ərazidə vətəndaşların gəlisində də müəyyən əngəllər yaranır. Bu da keyfiyyətsizlik göstəricisi hesab olunacaq faktorlardan biridir. Ümid edirik ki, böyük tədbirlərlə çatışmazlıqları ört-basdır etməyə çalışan AHIK rəhbərliyi bu nüanslara diqqət yetirəcək və sadalanan məsələlər öz həllini tapacaq.
```
