Uzun illər “Azərsu” ASC-də, daha sonra bu qurumun bazasında yaradılmış “İri Şəhərlərin Birləşmiş Su Təhizatı Xidməti”ndə Energetika şöbəsinin rəis müavini işləyən Vilayət Məmmədov, işdən qanunsuz çıxarıldığını iddia edərək, məhkəməyə müraciət edib.
“İri Şəhərlərin Birləşmiş Su Təhizatı Xidməti” Publik Hüquqi Şəxs (PHS) qarşısında açdığı iddiada, onun işdən çıxarılması haqqında əmrinin qanunsuz sayılaraq ləğvini, əvvəlki vəzifəsinə bərpa olunmasını və işsiz qaldığı dövrdə almalı olduğu əməkhaqqının hesablanıb tam şəkildə ödənilməsini tələb edib.
Vilayət Məmmədov 1982-ci ildən Bakı Energetika Texnikomunu, 1990-cı ildən isə Azərbaycan Dövlət Neft və Kimya İnstitutunu “energetik” ixtisası üzrə “fərqlənmə diplomu” ilə bitirib. O, iş fəaliyyəti müddətində əldə etdiyi nailiyyətlərə görə elektrik montyoru vəzifəsindən Energetika şöbəsinin rəisi - baş energetik vəzifəsinə yüksəlib.
Məmmədov deyir ki, 2011-ci ildən “Azərsu”da çalışıb və 2021-ci ildən Energetika şöbəsinin rəis müavini vəzifəsini icra edib. 2024-cü ilin avqustunda ona çatdırılıb ki, tutduğu vəzifə üzrə stat vahidi ixtisara düşəcək və 9 həftədən sonra işdən azad ediləcək.
“İri Şəhərlərin Birləşmiş Su Təhizatı Xidməti”nin İdarə Heyətinin sədri olan Tahir Xəlilovun 14 oktyabr 2024-cü il tarixli əmrində, onunla bağlı iş müqaviləsinə Azərbaycan Respublikasının İş Məcəlləsinin 70-ci maddəsinin “b” bəndi (statların ixtisarı) əsasında xitam verilib.
Şikayətçi tərəfindən ismarıcda göstərilib ki, “İri Şəhərlərin Birləşmiş Su Təhizatı Xidməti” tərəfindən tərtib edilmiş aktda, onun stat vahidinin ixtisarı ilə əlaqədar Nizami rayon Sukanal İdarəsinin Rəhbərliyi yanında aparatda, yaxud da başqa bir idarədə Energetika şöbəsində energetik vəzifəsi təklif olunub. Lakin o, bu təklifi qəbul etməyib.
“İri Şəhərlərin Birləşmiş Su Təhizatı Xidməti”nin kadrlar üzrə baş məsləhətçisi də bu iş üzrə məhkəmə prosesinə çağırılaraq dindirilib. O bildirib ki, şikayətçiyə ixtisara düşmüş vəzifəsinin əvəzində iş təklif olunub, amma özü razılaşmayıb. “Özü dedi ki, ona Meliorasiya xidmətindən iş təklifi gəlib, o, sektor müdiri gedəcək. Ona deyilmişdi ki, burada da ona iş təklif olunur - Nizami rayon Sukanal İdarəsinin Rəhbərliyi yanında aparatda, yaxud da başqa bir idarədə Energetika şöbəsində “energetik” yeri var, orada onu yerləşdirə bilərlər. Özü istəmədi,” - dedi. Avqustun 5-də ərizə yazdı. 3 gün sonra gəlib dedi ki, ərizəsi etibarsız hesab edilsin, orada onu işə götürmədilər. Bu zaman ona yenidən əvvəlki işi təklif edilib, lakin o, imtina etdi. Dedi ki, Aparatda qalmaq istəyir. Bundan sonra akt tərtib olundu, imzalamaq üçün ona verildi, lakin o, imzalamaqdan imtina etdi. Ona poçt vasitəsilə göndərildi.
Yasamal Rayon Məhkəməsi “İri Şəhərlərin Birləşmiş Su Təhizatı Xidməti”nə qarşı şikayəti təmin etməyib. Lakin şikayətçi bununla razılaşmayıb, apellyasiya məhkəməsinə müraciət edib. Bakı Apellyasiya Məhkəməsi onu haqlı sayıb və iddiasını təmin edib. Onunla bağlı əmrinin ləğvi, vəzifəsinin bərpası və əməkhaqqının ödənilməsi barəsində qərar çıxarılıb.
Bu hadisələr, dövlət qurumlarının işçi hüquqlarının qorunması və ədalətli iş davranışları ilə bağlı müzakirələri artırıb.
