Naxçivanda qazi ailəsinə qarşı bir neçə dəfə özbaşınalığa dair xəbərlər ortaya çıxmışdı. Belə ki, əvvəlki dövrlərdə bir neçə məhəllədə asfalt yola çıxmaq qadağan edilmişdi. Sonradan isə bir çox evin yolları açıldı, lakin Faiq Firdovsi oğlu Quliyevin ailəsinə bu imkanı vermədilər. Müraciət edildikdən sonra, bu ailənin də yolu açılmağa məcbur oldular.
İndisə, Qarabağ müharibəsində kəllə-beyin travması alaraq, I qrup əlillik statusu qazanan Faiq Quliyevin ailəsinə yeni qadağalar tətbiq edilir. Onlar öz 50 illik şəxsi torpaqlarında yaşayışlarını təmin etmək üçün dükan tikə bilmirlər. Bunun səbəbi isə guya yolun mühafizə zonasına yaxın olmasıdır.
Əslində, yolun bir az uzağında yer verilməsi mümkündür. Həmin ərazidə 20 il qabaq Faiqın atasının mülkiyyəti olan meyvə bağları əkilib. Bu, ailədə və arxivdə sübut olunan bir faktdır. Lakin sahə müdiri Rafael buna imkan vermək istəmir.
Hələ ki, bu vəziyyət hökumət tərəfindən həll olunmalıdır. Ancaq ailəyə yardım etmək əvəzinə, hətta öz torpaqlarında tikinti aparmaqlarına da mane olurlar. Bu məsələyə Sahbuz Rayon İcra Hakimiyyətinin başçısı Rafael Babayev rəhbərlik edir.
Qeyd etmək lazımdır ki, Sahbuz rayonunda və Naxçıvan sərhədində, bu cür dükanlar yalnız mərkəzi yoldan piyada keçidlər ilə ayrılır. Faiq Quliyev Prezidentə, Birinci vitse-prezidentə və Milli Məclis sədrinə dəfələrlə müraciət edib, lakin şikayətinə baxan olmayıb.
Prezidentin Naxçıvandakı səlahiyyətli nümayəndəsi, Fuad Nəcəfli, bu məsələ ilə bağlı Prezident Administrasiyasına heç bir məlumat vermir. Bu, çox maraqlı bir faktdır. Bir ailəyə heç bir yerdən müvafiq yardım gəlmədikdə, ailə nə etməlidir?
Belə görünür ki, Fuad Nəcəfli, hər dəfə Sahbuzun başçısına tapşırır ki, qazi və veteran ailəsinə kömək göstərilsin. Lakin əgər Rafael bunu qəbul etmirsə, niyə Fuad Nəcəfli bu mövzuda cənab Prezidentə və Birinci vitse-prezidentə məlumat vermir?
Bu ailəyə iş verilmir, mal-heyvan verilmir, şəxsi həyətində dükan tikməyə imkan verilmir. Vətəndaş bu halda nə etməlidir? Bu vəziyyət nə deməkdir? Onda vətəndaşlığı söndürüb, getsin digər müasir dövlətdə yaşasın ailəsi ilə birlikdə?
Mövzunu, problem layiqli həllini tapana qədər gündəmdə saxlayacağıq. Araz Media xəbər portali olaraq bu məsələyə diqqət yetirməkdə davam edəcəyik.
