Yay mövsümü sona yaxinlaşır, insanlar Xəzər sahillərindəki bağlarında son günlərini keçirirlər. Bir çox bağ sahiblərindən geriyə qalan görüntü isə heç də xoş olmayan mənzərədir. Söhbət kanalizasiya sularının axıdılması və müsiqət tullantılarının hara gəldi atılmasından gedir.
Bizim.Media, Novxanı bağlarındakı antisanitar vəziyyəti lentə alıb. Müsahibələrimiz göstərdi ki, bəzi evlərdən kanalizasiya suları birbaşa Samur-Abşeron kanalına axırlar. Digər böyük problem isə müsiqət tullantılarının da həmin kanala atılmasıdır. Bu vəziyyət isə ərazidə antisanitar vəziyyətin yaranmasına və üfunət qoxusunun yayılmasına səbəb olub.
Niyə tədbir görülmür? Məsələ ilə bağlı İri Şəhərlərin Birləşmiş Su Təmizləmə Xidmətinə sorğu göndərdik. Qurumdan Bizim.Media-ya bildirildi ki, mərkəzləşdirilmiş tullantı suların axıdılması sisteminə çıxışı olmayan əhali qrupları tullantı suların idarə olunmasında alternativ və təhlükəsiz üsullardan yararlanmalı, mövcud qanunvericiliyin tələblərinə əməl etməlidirlər.
“Mərkəzləşdirilmiş kanalizasiya şəbəkəsi mövcud olmayan ərazilərdə tullantı suların idarə olunması 'Su təchizatı və tullantı suları haqqında' Azərbaycan Respublikasının Qanununun və Azərbaycan Respublikası Nazirlər Kabinetinin 2005-ci il 21 aprel tarixli 74 nömrəli Qərarı ilə təsdiq edilmiş 'Şəhərlərdə və digər yaşayış məntəqələrində ərazisinin sanitariya qaydalarına, gigiyena və ekoloji normativlərə uyğun olaraq təmizlənməsi, müsiqət tullantılarının müvəqqəti saxlanılması, müntəzəm daşınması və zərursuzlaşdırılması Qaydaları'nın 5-ci bəndinin tələblərinə uyğun olaraq həyata keçirilməlidir.
Bəlkə ki, kanalizasiya sisteminə qoşulmayan yaşayış sahələrində tullantı sularının yığılması məqsədilə yerüstü hissəsi qapaq və barmaqlıqlarla təmin olunub, divarları və dibi sukeçirməz olan, dərinliyi 3 metrdən artıq olmayan çirkab su quyusu hazırlanmalıdır. Bu quyular yaşayış binalarından, uşaq bağçalarından və məktəblərdən, uşaq oyunları meydançalarından və əhalinin istirahət yerlərindən mümkün qədər aralıda, 20 metrdən 100 metrə qədər məsafədə olmalıdır. Quyu dolma həddindən asılı olaraq yarım ildən bir dəfədən az olmamaq şərti ilə təmizlənməlidir.
Həmin şəxsləri hansı cəza gözləyir? Məlumatda bildirilib ki, əhali qrupu tərəfindən qeyd olunan tələblərə riayət edilmədikdə İnzibati Xətalar Məcəlləsinin müvafiq maddəsinə əsasən fiziki şəxslər 600 manatdan 1000 manatadək məbləgdə cərimə edilir.
“Sözügedən ərazilər üzrə yaşayış məntəqələrində formalasan tullantı sularının əhali qrupu tərəfindən ətraf mühitə, o cümlədən su və su təsərrüfatı obyektlərinə birbaşa axıdılması hallarının qarşısını almaq üçün Azərbaycan Dövlət Su Ehtiyatları Agentliyi yanında Su İstifadəsinə və Mühafizəsinə Dövlət Nəzarəti Xidməti müntəzəm olaraq reydlər keçirir və qanuna əməl etməyənlər barədə qanunauygun şəkildə tədbir görürlər.
Kanalizasiya sistemi mövcud olmayan ərazilərdə ADSEA-nın sifarişi ilə təchizat sisteminin qurulması məqsədilə müvafiq layihə sənədləri hazırlanıb. Layihələrin icrası şəbəkənin mövcudluğu, texniki vəziyyəti və digər amillər nəzərə alınmaqla həyata keçirilir. Yaşayış məntəqələrində tullantı su şəbəkəsinin inşası tədbirlər planına uygun olaraq mərhələlərlə aparılır.
