Azərbaycanda Qurban bayramı qeyd olunur.
Arazmedia.az xəbər verir ki, Nazirlər Kabinetinin qərarına əsasən bu il mayın 27, 28-i Qurban bayramı günləri müəyyən edilib. Qafqaz Müsəlmanları İdarəsinin Qazılar Şurasının builki fətvasında deyilir ki, bu il Türk Dövlətləri Təşkilatı Dini idarə rəhbərləri Şurasının 18 may 2026-cı ild? qəbul edilən yekdil fətvası ilə bayram günü 27 may tarixi kimi təsdiq olunub. Şəriətə uyğun olaraq, qurban kəsimi 27 may tarixindən başlayaraq 3 gün davam edə bilər.
May ayının 27-də məscidlərdə bayram namazları qılınacaq. Bakının Əjdərbəy məscidində bayram namazı saat 08:00-da, Təzəpir məscidində isə 09:00-da qılınacaq. Fətvada qeyd edilib ki, adətən qurbanlıq üçün qoyuna üstünlük verilir. Lakin keçi, inək və dəvə də qurbanlıq üçün seçmək olar. Həmin ətlərin bölgüsündə hər kəs azaddır, fəqət peyğəmbərin tövsiyəsinə görə, imkansızlara yardım etmək dinin ruhuna daha yaxındır.
Qurban kəsimi ayini təmizlik və yüksək sanitariya şəraitində, münasib yerlərdə icra edilməlidir. Şəriət qaydalarına görə, qurban kəsilən heyvan sağlam və kəsimi yararlı olmalıdır. Xəstə, arıq və qüsurlu heyvanlar qurbanlığa münasib sayılmır. Adətən, müəyyən yaş həddinə çatmış heyvanlar kəsilir. Keçi və qoyunun yaşı bir il, öküz və inəyin iki ildən artıq, dəvənin isə beş ili tamam olmalıdır. Şəriətə gör?, heyvanın üzü qibləyə uzadılarak, Qurban niyyəti ilə Allahın adı çəkilərək kəsilməsi vacibdir.
Qurbanlıq adətən üç hissəyə bölünür: bir hissəsi qurban sahibi üçün, digər hissəsi imkansız ailələrə, üçüncü hissəsi isə hədiyyə kimi qohum-qardaşlara paylanması tövsiyə olunur. Qurban bayramı və Müstəqillik günü ilə bağlı 5 gün - 27, 28, 29, 30 və 31 mayda ardıcıl iş olmayacaq.
